ಅಪ್ಪನ ಪ್ರೀತಿಯ ಬೆಚ್ಚಗೆ ನೆರಳಲ್ಲಿ,
ಬಾಳ ಪಯಣ
ಅಮ್ಮನ ಸಲಹೆಯ ಹುಸಿಮುನಿಸಿನಲ್ಲಿ
ಕಲಿಕೆಯ ಯಶಸಿನ ಭೃಂಗದ ಬೆನ್ನೇರಿ
ಕನಸುಗಳ ಹಕ್ಕಿಗೆ ರೆಕ್ಕೆ ಹಚ್ಚುತ್ತಾ
ಬಾನಾಡಿಯಾಗಿ ತೇಲುತ್ತಿದ್ದವಳು
ರೆಕ್ಕೆ ಮುರಿದು ಬೀಳಲು ಏನು ಕಾರಣ?
ಜೀವ ವಾಹಿನಿಯಾಗಿ, ಗುಪ್ತಗಾಮಿನಿಯಾಗಿ
ಹರಿಯುತ್ತಿದ್ದ ಪ್ರೀತಿಯ ಸೆಲೆ,
ಇದ್ದಕಿದ್ದಂತೆ ಬತ್ತಿ ಹೋಗಿದೆ;
ಆಶ್ರಯಿಸಿದ ಕನಸುಗಳ ಗತಿಯೇನು?
ಆಮೆಯಂತೆ ಚಿಪ್ಪಿನೊಳಗೇ ಮುದುರಿಹೋದಳು,
ಆದರೂ ಬಾಡಿದ ಹೂವಾಗಲಿಲ್ಲ;
ಬಣ್ಣದ ಚಿಟ್ಟೆಯಾದಳು!
ಗೂಡೊಳಗಿಂದ ಹೊರಬಂದಳು,
ಬದಲಾವಣೆಯ ಜಗದ ನಿಯಮದಂತೆ.
ಕಳೆದು ಹೋದ ಪ್ರೀತಿಯ ಸೆಲೆಗಾಗಿ
ಮತ್ತೆ ಕಾದಳು ಶಬರಿಯಂತೆ.
ಸಿಕ್ಕಿತು ಜೀವಸೆಲೆ, ಎದ್ದಿತು ನಗುವಿನಲೆ
ಹೊಸಜೀವಕೆ ಜೀವನವ ನೀಡಿ
ತಾನು ಮರುಹುಟ್ಟು ಪಡೆದಿವೆ ವೇಳೆ
ಮತ್ತೆ ಬರಡಾಯಿತೇ ಜೀವಸೆಲೆ?
ಹೊಟ್ಟೆಕಿಚ್ಚಿನ ಮೊಟ್ಟೆ ಕೋಳಿಗಳ
ಕುತಂತ್ರಕ್ಕೆ ಬಲಿಯಾಗಿ,
ನೋವಿನಲೆಯಲ್ಲಿ ತೇಲಿಹೋದಳೇ?
ಭೂಮಿಗೆ ಕುಸಿದವಳನ್ನು,ನ
ಕೈಹಿಡಿದು ಎತ್ತಿದವರಾರು?
ತನಗೆ ತಾನೇ ತಾಯಿಯಾದಳು
ತನ್ನ ಬೆನ್ನನ್ನು ನೇವರಿಸಿಕೊಂಡಳು
ಕಣ್ಣೀರನ್ನು ಒರೆಸಿಕೊಂಡಳು
ನೋವಲ್ಲೇ ನೇಗಿಲು ಕಲಿತಳು
ಮತ್ತೆ ಎದ್ದು ನಿಂತಳು,
ಮುನ್ನುಗ್ಗುವ ಛಲದಲಿ.
ಅಪ್ಪ ಕಲಿಸಿದ ಸಂಸ್ಕಾರ,
ತಾಯಿ ನೀಡಿದ ಜ್ಞಾನದೀಪ
ಅವಳು ನಂಬಿದ ಸತ್ಯಗಳು
ಈ ಬದುಕು ಕಲಿಸಿದ ಪಾಠಗಳು
ಅವಳ ಬಾಳನು ಮುನ್ನಡೆಸುತಿವೆ.
ಅವಳು ಬಾಳನು ಮುನ್ನಡೆಸುತಿವೆ...
ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ:
ಪೋಸ್ಟ್‌ಗಳು (Atom)
CBSC ಯಿಂದ ಸ್ಟೇಟ್ ಬೋರ್ಡ್ ಗೆ
ಈಗೀಗ ಹೆಚ್ಚಾಗಿ ಮಕ್ಕಳು 10ನೇ ತರಗತಿಯವರೆಗೆ CBSC ಬೋರ್ಡಿನಲ್ಲಿ ಕಲಿಯುತ್ತಾರೆ. ಕೆಲವೊಂದು ವಿದ್ಯಾರ್ಥಿಗಳು ಪಿಯುಸಿಯನ್ನು ಅದೇ ಬೋರ್ಡಿನಲ್ಲಿ ಮುಂದುವರೆಸುತ್ತಾರೆ. ಹೆಚ...
-
ಹೇಳಿದ್ದು ಕೇಳಲು ಒಲವಿಲ್ಲದರಿಗೆ, ಕೇಳಿದರೂ ಉತ್ತರಿಸಲು ಇಚ್ಚೆಯಿಲ್ಲದರಿಗೆ, ಹೇಳಲು ಉತ್ತರವೇ ಇಲ್ಲದವರಿಗೆ, ಕೇಳಿ ಕೇಳಿ ಸುಸ್ತಾದವರಿಗೆ, ಕೇಳಿದ್ದನ್ನು ಈಡೇರಿಸಲಾಗದವರಿಗ...
-
ಕಲಿತ ವಿದ್ಯೆಯ ಮರೆತು, ಕೋಟಿ ವಿದ್ಯೆಯ ಕಲಿತು, ಬದುಕಿನ ಸಾಗರದಿ ಈಜು ಕಲಿಯುತ್ತಾ, ಬಂದ ಅಲೆಯ ಜೊತೆ ಒಂದಾಗಿ, ತೇಲುತ್ತ ಮುಳುಗುತ್ತ , ಕನಸಿನ ಹರಿಗೋಲು ಹಿಡಿದು, ಸೋಲದಾ ಛ...
-
ಬೆಕ್ಕುಗಳೆಂದರೆ ಯಾರಿಗೂ ಅಷ್ಟೇನೂ ಒಲವಿಲ್ಲ. ಅವುಗಳ ಅಂತರಂಗ ಅರಿವಾದರೆ ತಾನೇ! , ಇಷ್ಟವಾಗುವುದು. ಅವೇನೂ ಕೃತಘ್ನ ಪ್ರಾಣಿಗಳಲ್ಲ.. ಅನ್ನ ಕೊಡುವ ಕೈಯನ್ನು ಅದು ಮರೆಯುವ...
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್‌ ಮಾಡಿ