ಮಿಗಿಲಾಗಿಯೇ ಸಲಹಿದಳು,
ಆ ತಾಯಿ ಯಶೋದೆ,
ಅಮ್ಮನೆಂಬ ಹೆಸರಿಗೆ ಅವಳು,
ಅನ್ವರ್ಥವೆ ಆದವಳು.
ಕುಂತಿ ಹೆತ್ತ ಮಗುವನ್ನು,
ಜಗಕೆ ಹೆದರಿ ತ್ಯಜಿಸಿದಳು.
ಮಗುವು ಇಲ್ಲದ ಕೊರಗನ್ನು
ಕರ್ಣನ ಸಲಹಿ, ಮರೆಯವಳು,
ರಾದೆಯಲ್ಲದೆ ಬೇರಾರು?
ರಾಮನ ಮೇಲಿನ ಕೈಕೆಯ ಪ್ರೇಮ,
ಆಯಿತು ಕರುಗುವ ಹಿಮ,
ಭರತನ ಮೇಲಿನ ಕುರುಡು ಪ್ರೇಮ,
ತಾಯಿ ಮರೆತಳು ನೀತಿ ನಿಯಮ.
ಪತಿವ್ರತೆಯಾಗುವ ಕನಸಿನಲಿ,
ಕುರುಡಿಯಾದಳು ಗಾಂಧಾರಿ ,
ಮಕ್ಕಳ ತಪ್ಪನು ತಿದ್ದಿ,
ಹೇಳಲಿಲ್ಲ ಅವರಿಗೆ ಬುದ್ಧಿ,
ಬಾಲ ನರೇಂದ್ರನ ತಾಯಿ,
ಮಾತೆ ಭುವನೇಶ್ವರಿ,
ಆದಿ ಮೀರಿ, ಅಂತ್ಯವಿಲ್ಲದ,
ಪರಮಾತ್ಮನ ಪರಿಚಯಿಸಿದಳು.
ಮೋಹನದಾಸ ಗಾಂಧಿeಜಿಯಾಗುವ ಮುನ್ನ,
ಸತ್ಯನಿಷ್ಟೆಯ, ಆಚಾರವಿಚಾರಗಳ,
ಸೂಕ್ಷ್ಮ ತಿಳಿಸಿದ, ಬುದ್ಧಿ ಹೇಳಿದ,
ಮಾತೆ ಕಸ್ತೂರಿ.
ರೂಪಗಳು ಹಲವಾರು,
ದಾರಿಗಳು ನೂರಾರು,
ಅಂತರಾಳ ಒಂದೇ,
ಮಗುವೇ ಮಾಣಿಕ್ಯ..
ಬಾಳ ದಾರಿಗೆ ಬೆಳಕಾದವಳು,
ಬಿಸಿಲ ಬೇಗೆಗೆ ನೆರಳಾದವಳು,
ಒಲುಮೆ ಧಾರೆಯ ಸೊದೆಯಾದವಳು,
ಯಮ ನಿಯಮಗಳ ಗುರುವಾದವಳು,
ತಪ್ಪುತಿದ್ದುವ ತಂದೆಯಾದವಳು,
ಬೇಡಿದ್ದು ನೀಡುವ ಕಾಮಧೇನು ಅವಳು,
ನೊಂದ ಕಣ್ಣೀರು ಎಂದು ಕಾಣಿಸದಂತೆ,
ಜಾದು ಮಾಡಿದವಳು.
ಅಂದಷ್ಟೂ ಕಿವಿತೆರೆಯುವವಳು,
ಬುದ್ಧಿ ಹೇಳಲು ಎಂದು ಮರೆಯದವಳು,
ತನ್ನ ತಾಳ್ಮೆಗೆ ಭೂಮಿಯಾಗುವಳು,
ಮೇರೆ ಮೀರಿದರೆ ಶಕ್ತಿಯಾದವಳು,
ಹೆಸರೇ ಇಲ್ಲದೆ, ಉಸಿರೇ ಆದವಳು,
ಮೇಣದಂತೆ ಕರಗಿದರು,
ನಗುನಗುತ ನಡೆವವಳು,
ಅಮ್ಮನಲ್ಲದೆ ಬೇರಾರು?
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ